لاتحرم المشتاق شوفة عيونك
|
ترى الغلا، ماهو على كيف راعيه
|
تقفي وتبقالي بشاير مزونك
|
تقبل ويقفي هم عمري وتمحيه
|
لاعاد يومٍ صار دوني ودونك
|
حظٍ بعد ماقال، يمه. تعديه
|
عيني تخونك بس يمك تخونك
|
ووقتٍٍ يمر ولاتجي فيه مابيه
|
أحلى عذابي طعنةٍٍ من طعونك
|
وازرق جروحي لمسةٍٍ منك تبريه
|
نشدت عنك اول ماقفت طعونك
|
وسليت منك آخر عزا، كنت راجيه
|
قادر أعيش ان كان فيك او بدونك
|
ربي رفع راسي ولامون اوطيه
|
رحتي بعيد وراحت ابعد شجونك
|
وجيتي بقصد رضاي عساه تاليه
|
لليل من لونه نوايا ضنونك
|
وانا ضنوني صبح والليل ناسيه
|
غلطة حياتك في حياتك جنونك
|
وغلطة حياتي في حياتي متى ليه
|
ماكنت اصدق من يودك يخونك
|
وحتى البحر ماضن ينسى موانيه
|
ومحدٍٍ يخونك يوم قادر يصونك
|
بس الغلا، ماهو. على كيف راعيه
|
شعر: هادي الجنفاوي |
|
