قصيدة رثاء في الشيخ ضيدان بن محمد بن مطر أبوثنين (رحمه الله)
|
مرحوم يا راع الخصال الحميده |
شيخاً رحل عنا وقفت مطاياه |
امر الولي يفعل على ما يريده |
وما قدر الباري علينا رضيناه |
يا سبيع والله مات منكم فقيده |
ركن من اركون الجماعة فقدناه |
ضيدان بنك اللي قليل رصيده |
ابن مطر شيخاً طروقه مخلاه |
ضيدان كساب الفعول المجيده |
هيف السمين وطيب الذكر والجاه |
عز الرفيق وسعد من هو عضيده |
وعون الضعيف اللي من الوقت ينخاه |
نظرات أبو منصور دايم بعيده |
صريح وابيض قلب والصدق مبداه |
يا جعل روحه عند ربه شهيده |
ويا جعل رب العرش يغفر خطاياه |
خلف عيال الكل منهم وليده |
فيهم من طبوعه وفيهم حلاياه |
الله يوفقهم حياة سعيده |
ويجبر عزاهم بالصبر عقب فرقاه |
وصلاة ربي عد ما ومى جريده |
على نبينا كلنا نتبع هداه |
الشاعر: عبيد بن فالح أبو جراح أبوثنين |
|
