أقدر موقفك وأعذرك.. وأذكر عشرتك بالخير
|
وأكرر شكري وتقدير قلبي.. يا بعد قلبي
|
وأقول آسف على حزنك على بعدك على التقصير
|
أنا ماجيت ألومك وأشتكي وأحملك ذنبي
|
أنا واضح.. ولكن ماملك القدرة على التعبير
|
أمانة عش حياتك.. واترك همومي تسافربي
|
حياتك تستحق التضحية والصبر والتفكير
|
حرام يضيع حلمك.. يارفيق الدرب في دربي
|
أنا كان اعتراضي كيف مثلك خانه التقدير
|
كيف تروح ما فكرت في حبك وفي حبي
|
بلحظة.. كيف صرت أقسى من الفرقا بلا تبرير
|
وأنا اللي ليلة فراقك بغيتك تاقف بجنبي
|
أذكرك بغلانا والغلا ما ينتظر تذكير
|
تذكر وأنت في عز الفرح.. إن الغلا قربي
|
تصاحبك السلامة والأماني.. يا نصيب الغير
|
أنا كل الكلام اللي بقوله.. يحفظك ربي
|
وتبقى أكبر وأكبر بعيني.. والزمان صغير
|
ولو ما قلت أحبك.. كل يوم يقولها قلبي
|
|
