ياوليفي دمعكم في غيابي ردّ لي

وأدري انّ دمعتك خوفٍ عليّ ومن غلاي

أنت ممرضني وأشوف المرض فيكم وفيّ

الهبوب الباردة منّك هبّت في حشاي

والله انّ كبدي عليكم عراويها أضميّ

والمشارب غير هرجتك ماتقطع ضماي

كيف تستغرب بطاي ومجييّ يوم أجيّ

منك اجيك أبدون رأيٍ وأروح ابدون رأي

ليلي أسهر به والا جا النهار أشلى ىشوي

مرةٍ أشلى ومرٍ يعاودني بلاي

وأنت سبّة كلّ شي ولا داويت شيّ

كيف ياقادر على داي ماتقدر دواي

بعد ما شتتوّا الفكر وأخليتوا يديّ

كثرت أعلوم الشماميت وأفرحتوا عداي

مابعد جاني امنوم التقوا بي والديّ

ولابعد مرّ المحبين منّ حوّاء وجاي

لوّ خبر به حيّ يبكي على فقدان حيّ

كان يمدي من عرفني يشاركني عزاي

جعل يسقى يوم كان الهوى ماغير غيّ

فأول الرحلة مثل مبتداك ومبتداي

سعد بن جدلان الاكلبي

صفحة الجزيرة الرئيسية

الصفحة الرئيسية

رأي الجزيرة