الله اكبريا زماني ما على الدنيا ملام |
دام من عانيت لاجله حط رمحه بنحري |
لامتى بسكت واجامل واتجاهل للكلام |
يكفي انه من سكوتي تنبري حالي بري |
زادت احزاني وهمّي لين حاربت المنام |
بعدها زادي وشربي صار أمر من الشري |
يا زماني لو عسرته يلتفت وين الحزام |
يبتدي دور المصالح.. وانت عزي وفخري |
يا جزاء المعروف وينك؟ ليه نسيوك اللئام |
ما تحريت لجميل من احرقوا دم ابهري |
امتزج دم الافاعي بالحلال وبالحرام |
مثل ما صوت الحقيقه بين سري وجهري |
ذبلت اوراق المشاعر ماحترت وبل الغمام |
الظما لاشب ضوّه يحرق العود الطري |
قبلها قالوا الحقيقه.. لالطمت الحر شام |
وصيدته لارد عنها تنفري كبده فري |
مالي ومال المعاند والمشاكل والخصام |
عندي ارض الله وسيعه واعطي النذل ظهري |
والجحود ليا عرض لي.. قلت للجاهل سلام |
لو يتل زرار ثوبه.. ماسطى فيه اظفري |
الردي ماله كلام ولا اعتبار ولامقام |
يا خسارة بذل جهدي واهتمامي وسهري |
العوج مهما عدلته يا زماني ما ستقام |
نفسي من عرفه بريّه.. مثل ما يوسف بري |
رشيد محمد الفريدي |
|
