ما يطرد عماس الهواجيس طاروق |
ان ماصدح بمهيله عندليبه |
وانقاد له معلوق وانساق معلوق |
وأمست مساجين الضلوع تحدي به |
الشعر سهله صعب وطروقه طروق |
ماكل من مس النجيبه يجيبه |
هذا الصحيح وكل مطرود ملحوق |
بذت حناجر مخطياته مصيبه |
غيم التمني ماسقى قلب وعروق |
أخو السراب ومايعيبه يعيبه |
ياالعسوجية قد والعنق منتوق |
والعسجدي يلفح ويومي سبيبه |
ميلي بجيد متولعه ميلة عذوق |
ينقاد لك متولعه وأنتحي به |
سيري مثل سير أدهم المزن برفوق |
وأدني مثل قرص الشفق في مغيبه |
أردي على عد الروى وأرتوي ذوق |
من سوق تيار القراح لقليبه |
وأرقي على ضلع الغلا وأستوي فوق |
كرسي مسجوب الضلوع أستوي به |
أنتي عزاوي قوم وحقوقها حقوق |
في ضعف ماينباع به تشتري به |
أما كذا وألا فلا تورد النوق |
هي هكذا واللي فلا.. وش نبي به |
صالح الرشيدي |
|
