جانا من الاخبار ما كدر البال |
والجفن من عقبه دموعه نثرها |
جانا الخبر برسالة عبر جوال |
يا شينها رسالة وما اشين خبرها |
خبر وفاة الشيخ محمود الافعال |
والدار عقبه غاب عنها قمرها |
ابو محمد طيب العم والخال |
وفعول صالح كل رجل خبرها |
رجل التقى والدين شيال الأثقال |
رجل ليا هاز الثقيلة قدرها |
نظيف عرض وشيخ في كل مجال |
كل العلوم اللي تنومس حصرها |
ما تبكي عيوني على كل رجال |
وعلى البعض لو ما بكت ما عذرها |
لعل له في جنة الخلد منزال |
في جنة الفردوس يقطف ثمرها |
وحنا عزانا انه ترك عقبه عيال |
وسلايل الابطال تمشي باثرها |
فيهم رجال مستعدين واشبال |
الله يحميها وينقل خطرها |
ويجو لنا مثله رياجيلن ابطال |
طيب الثمر عادة يجي من بذرها |
والحمد للمحمود في كل الاحوال |
اللي كتب رزق النفوس وقدرها |
ما في يدين العبد لو قدر مثقال |
الله هو اللي في يدينه خبرها |
حباب بن فارس الغربي |
|
