محمد الوسمي شاعر جميل وله لغة راقية ونص باذخ وطني استطاع بحرفنة أن يجيّر ألم الرياض إلى تساؤل جميل:
|
نبني من الحلم (حلم) ونرجع نهدّه |
ونصبح على أحلامنا ونقول: يا هادي |
مليّنا الاحلام، والواقع وصل حده |
غادين، والصدق مثل اصواتنا غادي |
يا رب رحمتك وش صاير بهالمده!! |
وشلون صرنا نشوف ان الغرق عادي |
ما جفّت دموعنا في موت أهل جده |
واليوم حزن الرياض فوجهها بادي |
صرنا نخاف المطر.. ونعد له عده |
نخشى من الخير كنّا نسكن بوادي |
في كل شارع غرق وبيوت منهده |
واجساد ما بين حي وميّت.. تنادي |
من اللي نوقف معه واللي نقف ضده! |
ضعنا ما ندري من نحب، ومن نعادي |
غشى الرياض أمس مثل اللي غشى جده |
يا رب.. مدري وش اللي يصير ف بلادي !! |
محمد الوسمي |
|
