إنتي مثل قمراء على صفحة الماء |
له صورةٍ عندي وهو في السماء فوق |
إتصافحك عيني وأنا كفي أعمى |
مالي جدى إلاّ معانق الموق للموق |
ياما شربتك شوف من خوف لظمى |
وياما الوله للوصل يبّس بي عروق |
الأمير بدر بن عبدالمحسن |
أماني كل هالدنيا أماني |
مثل بحرٍ بلا شط.. ومواني |
أقول الوقت.. باكر يلتفت لي |
وأشوف الوقت في همي نساني |
تركني تايهٍ.. محتار ما أدري |
أفكّر في الدقايق والثواني |
الأمير خالد بن يزيد |
من عقبها أسهر مسندي رأس كوعي |
لانام خالي البال تمّيت واعي |
تومي بي الحسرات من غير طوعي |
هذا الغلا ما هو غرامٍ صناعي |
أقنب كما ذيبٍ تقفّاه جوعي |
لامن ذكرت فراق حلو الطباعي |
طلال السعيد |
صوت أسمعه في نبرة الليل شفاف |
همسة طفل تحت المطر ترتجيني |
مثل الغريق اللي غدر فيه مجداف |
في وجنته باقي عزى دمعتيني |
يغيب عن ذهنه عذابي ولا شاف |
مركب سهر يبحر على شط عيني |
عبدالله حمير القحطاني |
|
