يافارس القوم؟ لو ماعاد يمدي لك |
على بقايا بياضك حكّم اسوارك |
ياطيب قلبك ويانبلك وياحليلك |
ما علمتك الحياه بطول مشوارك |
توّك تفسّر لعدلك كيف هو ميلك |
ادخل بسوق المزاد وقيّم افكارك |
قمراك يسري بها اللي ماجلا ليلك |
وعنده ترى العلم لو ينشد عن اخبارك |
يافارس القوم لا تشكي لي اشكي لك |
احس مافيك لا تبدي لي اسرارك |
ماعاد حولك وحولك! صح تحليلك |
لو كنت بالقلب من تربيعة اقطارك |
شف بالبصيره وحطه جنب دربيلك |
لا ترقب القوم فكر بس بانصارك |
ما الغربه انك تعيش بدار ماهي لك |
الغربه انك تعيش الغربه بدارك |
ياهيه عش هالحياه وهد من حيلك |
ما دام ما الله مابين اعباده اختارك |
واربط على جرحك اللي منك منديلك |
واصبر على حرها اللي جاك من نارك |
ون مت مذبوح!! زين الناس تدعي لك |
اما عن الثار ما حد ياخذ بثارك |
سالم حمدان الشراري |
|
