تعود لتعيد دهشة الشعر إلى مشاعرنا.. أمسيه وقصيدة من أماسي الشعر
|
احترت أنا في الحب.. واحترت وياك |
لين ولكن لينتك في قساوة |
عجزت أنا لأفهم طبوعك ومبداك |
عجزت لا استوعب أصول البداوة |
يفداك جرحٍ داخل الروح يفداك |
جرحي من يدينك أحسه طراوة |
أكذب عيوني واصدق حاكياك |
مع ان عيني ما عليها غشاوة |
أضماك وأروى.. وارتوي منك واضماك |
صدق معك حبيت حتى الشقاوة |
تمشيني دروبك وتتعبني خطاك |
حبك حدوث الشي بعد الهداوة |
حبك عزلني عن هذولا وذو لاك |
وصاروا يضنون انعزالي عداوة |
اشتاقلك واححتاجلك حيل وأهواك |
بدونك الدنيا حبيبي فضاوة |
تعال خذني من زماني لدنياك |
والعمر في قربك تزيده حلاوة |
كانك تبيني اقتنع في سواياك |
اجرح.. ولكن جرحك اليوم داوة |
أمسية |
|
