انت ياللي تدعي في كبر عقلك

ما تريح لين باوصافك تبجّل

وش عطيت من الحياة وش سبق لك

لاجل في تاريخك الحافل يسجّل

مدح بعض الناس لو جا ما انطبق لك

لا يشيلك من يطبل لك ودجّل

اعرف انك لا وثقته ما وثق لك

وكل صاحي عقل من هرجه تخجّل

قام يخلق شي والله ما انخلق لك

وراح طلق شكار ولسانه مهجّل

لا تصدق من يجاريك ونعق لك

الطيور اشكال يا الطير المحجّل

كان تبغى من عناك يتم نقلك

دوك علمٍ كاش ما اظن يتاجّل

خل خفك واتزن ويزيد ثقلك

اسالك بالله تركد لا تعجّل

لا تحسب الحظ بالهون انطلق لك

تركب الخيل وبعد بكره ترجّل

جعل خلاقك على رشدك يعقلك

قبل لا يسري بك الهم وتوجّل

أحمد بن سعود الحمد - الزلفي

صفحة الجزيرة الرئيسية

الصفحة الرئيسية

رأي الجزيرة