سعد عبدالرحمن يكتب بلغة خاصة به له صورة وله طريقة سبك مختلفة وهذه الرائعة:
|
فالشرع من يسرق بتقطع ذراعه |
حتى يتوب وغيره ان شاف بيتوب |
وفالحب ما به للحرامي مناعه |
يسرق خفوقٍ صار في الحب مغصوب |
ما حركك قلب الغلا واندفاعه |
أذوب مع نظرتك ما كنّي أذوب!! |
ولا همك اللي ذاب لأقصى نخاعه |
عقله وفكره في محاسنك مسلوب |
الخافق اللي ما يعرف الزراعه |
يزرع ورود اللي يحبه على الطوب |
ما ينفع المقتول فزعة جماعه |
وانتي قتلتي القلب بإتقان واسلوب |
الصد يجرح والتجني بشاعة |
لا صارت الطعنة من يدين محبوب |
ليت العمر يرجع ولو نصف ساعة |
لاختار غيرك لكن العمر محسوب |
غلطة وكلٍّ بيتحمل متاعه |
يمضي العمر ما بين غالب ومغلوب |
والعذر وارد بس ما أبغى سماعه |
لأن العذر قبله ثمانين ملعوب |
خلاص أنا مليت عندي قناعه |
أنتي بصوب وقلبي اليوم من صوب |
لأنك رضيتي بالهجر والقطاعه |
شوفي خفوقك كله ذنوب في ذنوب |
روحي مدامك تتبعين الإشاعه |
ومفارق الغاليين يا بنت مكتوب |
أنا على الهجران عندي استطاعه |
ما قد سمعتي (كل ممنوع مرغوب) |
سعد عبدالرحمن |
|
