الصبر مفتاح الفرج والحقيقه
|
صبر وراه الياس مرٍ مذاقه
|
يالله دخيلك وين ابلقى طريقه
|
واقفي عن ابواب الشرس والحماقة
|
اللي طواه الهم يشرق بريقه
|
لوهو يقدم له من الورد باقة
|
واللي يقيّل في ظل الحديقة
|
ماهوب داري بالبحر واصطفاقه
|
بس الوكاد ان السلوم العريقة
|
تحكم على الطيب بحكم العلاقة
|
الثانية مربوطةٍ بالدقيقة
|
والمهتوي ياقف على عظم ساقه
|
يصارع الدنيا بنظرة عميقة
|
ولا عليه من العلوم الدقاقة
|
مع الحجاج الطلق يمنى طليقة
|
بالماقف المشهود يذري رواقه
|
علمٍ موثق ما يبي له وثيقة
|
الناس كلٍ ماشين باشتياقه
|
واللي زعل من غلطته في حريقة
|
يرضيه موس مثل موس الحلاقة
|
ما عندي الا الصدق نفسي شفيقة
|
فتحت لي طاقة وقفلت طاقة
|
اليوم ما بين الرفيق ورفيقه
|
يا قل من يعرف حقوق الرفاقة
|
صالح بن عبدالرحمن الصالح الناصر |
|
