استكثرك وقتي عليْ وغدا بك |
عادة زماني كل ما طاب هوّنْ |
ليت الذي ودّاك يا زين جابك |
تشوف عقبك كيف الأيام سوّنْ |
الأمير خالد الفيصل |
|
ياللي برمح الغلا تسطي وتطعنِّي |
وأنا معك خافقي محبوس غاياته |
تبي الحقيقة عظيم الشوق ما أوهنِّي |
اليوم ساوت حسان الحب سيّاته |
الأمير عبدالعزيز بن سعود |
|
وصفك أرضٍ بها خيل الكلام |
ملّت الركض وأتعبها العدي |
من كتبتك عرفت إن الظلام |
خيمة سهيل وديار الجدي |
نايف صقر |
|
شفتك مع اللي صار عقبي حبيبك |
واحتارت الدمعه بعيني وصديت |
مدري هي الصدفه لدربي تجيبك |
مدري أنا اللي في دروبك تحرّيت |
عبدالله العليوي |
|
