الإهداء إلى صاحبة السمو الملكي الأميرة صيتة بنت عبدالعزيز
|
يا بنت من عدله وسيفه وطيبه |
خلا الجزيرة كلها سهود ومهود |
يالكاملة يالفاضلة يالأديبة |
طيبك ومجدك ماله قياس وحدود |
صيته على متن الشرف تعتليبه |
وعندي على قولي براهين وشهود |
أخت المليك أم الرجال العريبه |
متربعة بعيون وقلوب وكبود |
صيته شموخ ومجد قيمه وهيبه |
صيته وفا واخلاص وكيان ووجود |
أم اليتامى والضعوف الحبيبه |
وأم الفقير اللي من الوقت مضهود |
مواقف ما هي عليها غريبه |
تعطف عليهم عطف والد بمولود |
من كل خير أم المكارم قريبه |
هذا الصحيح وبيرق العز مشيود |
اخت الزعيم اللي عسى الله يثيبه |
وأم الفهود اللي لهم بالفخر زود |
هو ينتخي بأخته وهي تنتخيبه |
نخوة وفا وما شابها كل منقود |
يا لله يا للي كلنا نلتجيبه |
واحد ولا غيرك لمخلوق معبود |
ندعوك ياللي ما يعلم بغيبه |
يا من شفيت أيوب من هجمة الدود |
عبدك دعاك ويا لله إنك تجيبه |
الطف بها يا محصي البيض والسود |
مهدي العبار العنزي |
|
