قصيدة رثاء في الشيخ طلال بن مسلم بن عجرش أبوثنين -رحمه الله..
|
اسبيع تنعى والجمالين ينعون |
ينعون راع الطيب رمز الشكاله |
وحكامنا وكل القبايل يعزون |
ويدعون بالتثبيت حزة سؤاله |
مرحوم يا شيخ به الطيب مقرون |
يالله عسى الجنه مقره وفاله |
أبو سعد ماله شبيهن بذا الكون |
يفرق على غيره وصفه لحاله |
محبته بين الخلايق لها لون |
من طيب فعله كل شخص صفاله |
من قاربه حبه وبه صار مفتون |
لوما يشوفه ساكن في خياله |
ولقبل على المجلس وفزو يحيون |
احدٍ جلس جنبه والآخر قباله |
وسيع صدر وكل شي على الهون |
وكل الخصال الطيبه هي خصاله |
وإن حل له طاري ثلاثين مليون |
نعم ويستاهل ليا جاء مجاله |
مقدم رجال الطيب لاجو يعدون |
على المراجل وافيات حباله |
له فزعتن عنها المطنخ يعجزون |
واليا برك للحمل طلال شاله |
عز الرفيق وعز من جوه ينخون |
يرخص لهم جاهه وحاله وماله |
وانا نعرفه زين وانتم تعرفون |
همه رضاء ربه وكسب الجماله |
وشلون نسلى عنه وشلون وشلون |
لا نيب لاسالي ولا نيب داله |
والموت حق وللمخاليق مسنون |
أمر الولي يفعل على ما طراله |
وخلّف رجال في مكانه يسدون |
الله يبيحه والبقاء في عياله |
وصلوا على المختار ياللي توحون |
نبينا المحمود راع الرسالة |
الشاعر- عبيد بن فالح أبو جراح أبوثنين |
|
