لاجتك زلة من رفيق توده
|
رفيقك اللي ما تعدد مزاياه
|
احذر خطاه لغير نفسك تعده
|
واحذر يجي غيره ويجلس بمركاه
|
ادمح له الزلة وحذرا تضده
|
ودور على عذر يعذره وتلقاه
|
حمد المخلفي |
لا إله إلا القدير المعطي الوهابي
|
الخضوع لسلطنته وكبرياه ونوفه
|
كل ما تحته على وجه التراب.. ترابي
|
المعزة والمذلة من رجاه وخوفه
|
تب علي وأنت الودود الغافر التوابي
|
واحمني من كل زلّه منطقٍ مزهوفة
|
سعد بن جدلان |
من صدق النمام والكذاب مقطوع النصيب
|
هذاك علة خافية ما يستفيد إلا الشمات
|
هرج النميمة ينتقل بين المودي والمجيب
|
والصبر مفتاح الفرج والباقيات الصالحات
|
جار الله السواط |
رفيقك اللي ما يقدر مواقفك
|
ترى ربيع القلب بعده وفرقاه
|
ليا صار لا رجلٍ مقامه يشرفك
|
ولا طيّبٍ تقدر تحمل خطاياه
|
احرص على فرقاه لو من طوايفك
|
ليا صار ما تقوى على شيل عوجاه
|
جزا صالح الحربي |
|
