يا اللي تبي لك فرصةٍ تغتنمها
|
تاحت لك الفرصة وجت لك على الكيف
|
فرصة عمر, محروم, من ينحرمها
|
ويربح بها اللي ما لقت منه تطويف
|
من لطف ربي للخلايق رحمها
|
جعل لها مواسم الخير تخفيف
|
مثل شهر سيد الشهور وعلمها
|
شهر مبارك له قداسة وتشريف
|
أيام معدودات لله صمها
|
عن الأكل والشرب والهرج بالزيف
|
وأما الليالي فيه بايمان قمها
|
واجهد بهن واصبر ولو جاك تكليف
|
نفسك بشهر الخير كبر هممها
|
تراه ضيف, وباكر يغادر الضيف
|
ان ما اغتنمته فود تمسك ندمها
|
ولا ينفعك بعدين كثر التحاسيف
|
النفس من طاوع هواها ظلمها
|
يضيع عمره بين أماني وتسويف
|
سرور سفاح المطيري |
|
