لا تظن المسافر من يسوق الرحول
|
من وقف دون حلمه (عاجرٍ) ما رحل
|
الليالي خواتٍ مير من هي البتول
|
والحوادث عشاير مير وين الفحل
|
ما بقى في ضلوعي غير ريح معمول
|
وثوب شاشٍ عليه من الندامه وحل
|
بدر بن عبدالمحسن |
|
من رافق الطيب يحوش المحاصيل
|
ومن رافق الباير يحوش الملامه
|
والمرجله ما هي تجي بالتساهيل
|
اللي يبا الطولات يكرب حزامه
|
أحمد الناصر الشايع |
|
قالوا تغزل قلت في شبة النار
|
اللي عليها حالقين الرجالي
|
والنجر يرزم والفناجيل عبار
|
وجمر الغضى له فالوجار اشتعالي
|
محمد بن شلاح المطيري |
|
يضحك بك اللي عاجزٍ عن هقاويك
|
لا فاعلٍ فعلك ولا معرض عنك
|
يحز في نفسه اليا طاب طاريك
|
ويفرح اليامن البلاوي تبلنك
|
فيصل منصور الرياحي |
|
