الثقل زينة كل بنت الثقل لكن في حدود |
أما على حساب المشاعر منهو اللي يقبله |
كوني ثقيلة عقل ما هو ثقل دم ولا برود |
كذا تزيدين بمكانة قلب خلك منزله |
ماهو بعدل أليا عطاك الود يلقى بك جحود |
ترضين إلى منّك عطيتيه الوفا يتجاهله |
عمر المحبة ما تزين إلا على اخذ وردود |
لو هو مجرد كلمتين من الوفا متبادله |
كلاً على الثاني بما أعطاه خلاقه يجود |
بخل اليدين يهون عن بخل المشاعر والوله |
ما أقوى على العشاق من كبت المشاعر والجمود |
من لا يجود لصاحبه بالحب ما يستاهله |
اخلص مع صاحبك تلقى قدرك بقلبه يزود |
وان غاب حاول انك بشتى الوسايل توصله |
ولا تقول إن غاب عنك أيام لا بده يعود |
عنه اسأل وراجع ضميرك لا يكنك مزعله |
الحب طير إن عاف وكره ما تقيده القيود |
وان حب ديره حلها لو هي قفارن ممحله |
ضيف الله بخيت المتعاني |
|
