يا صاحبي بنسى غرامك مع الوقت |
وانسى معاه الذكريات القديمه |
لا صرت أغيب أيام عنك ولا اشتقت |
ما كن لي في خاطرك أي قيمه |
ولا صرت أضيق ولا أشوفك تضايقت |
وشلون أعرف إن المشاعر حميمه |
ولا شفتني أبكي من أوضاعنا رقت |
كنك تمنى لي الحياة الأليمه |
وأنا عشانك مع زماني تسابقت |
جيتك غلا ما جيت أدور ظليمه |
ذقت الغلا مني وأنا منك ما ذقت |
ياما روتك من الأحاسيس ديمه |
عزمت أودع سكتك دامني فقت |
وقال المثل نصف الحياة العزيمه |
لا ما خسرت العمر يوم أنت فارقت |
بكره تجي وتذوق طعم الهزيمه |
في وقتها لو يركع القلب ما اشفقت |
ما عاد لك في وسط قلبي حشيمه |
بنشوف من تبكي عيونه مع الوقت |
ويشتاق لأجل الذكريات القديمه |
مارية الحربي |
|
|
