هو يفيدك كلامي أو عسى ما يفيد |
يا بليد المشاعر يبو قلب جحود |
لو صحيح المحبة في غيابك تزيد |
ما طلبتك تجيي وانت طبعك شرود |
حسبي الله على اللي مكنك بالوريد |
شب فيني غرامك وانت كلك برود |
لو طلبتك تقرب قلت راسي عنيد |
وان زعلت وتركتك قلت هرجة حسود |
بين هذي وهاذي راح عمر مديد |
كل ما قلت هانت شفت بيدي قيود |
قلت احبك ولكن قلبك انت حديد |
كل ما قبلت يمّك زدت بعد وصدود |
ذبت في وسط جمرك وانا كلي جليد |
وش لقيت فغرامك يا عديم الوجود |
دامك اخترت تبعد والله اليوم عيد |
ببتسم في بعادك دمع عينك شهود |
وحبك اللي ملكني لو نقص ما يزيد |
عقبها لا تعاتب وانت كلك برود |
الجامحة |
|
