ما كل قولٍ ينعرف ويش مغزاه |
ولا كل منطوقٍ يفسر بضده |
ولا كل من يسأل عن الحال تخفاه |
ولا كل من ثقلت حموله تهده |
ولا كل من وادعته العام تلقاه |
يحفظ لك بقلبه قديم المودة |
إن غاب عني صاحبي عشت ذكراه |
حبل الوفا ما كل رجلٍ يمده |
واللي تنقد صاحبي عند طرياه |
اواجهه واوقفه عند حده |
إلى صفى لك صاحبك وانت ترضاه |
فادمح له الزلة وتلقاه عنده |
إذا بدر له هفوةٍ منك عداه |
يرعى شعورك في مزوحه وجده |
صاحبك قلبك بالملمات ينصاه |
واللي يعدك بالمواقيف عده |
راع النميمة (كنسله) مع حكاياه |
بابٍ يجيب الريح قد قيل سده |
من عادته في مشيته يحسب خطاه |
في عثرته ما ينتظر من يشده |
سالم محمد السالم |
|
