كل ما طابت هجوسي.. رحت أسولف للزوايا

عن فتاةٍ كان يملى صوتها صمت المكان

عن فتاةٍ غير كل اللي قرينا في الحكايا

صمتها طيش وقصيد.. وطيشها صمت وأمان

باقيٍ فيها من اللي في طفولتها بقايا

شيطنة ضحك وسوالف.. رقة شعور وحنان

كم تزاعلنا.. وكلٍ ينتظر دمح الخطايا

كم سكتنا والرضا من بيننا مثل الرهان

لين ما تنهي زعلنا ضحكةٍ بين الشفايا

ضحكةٍ غابت.. ولكن شأنها ما زال شان

ما ذكرت إلا عيوب.. ولا تركت إلا مزايا

سوَّد الله وجه حظي.. والليالي.. والزمان

راحت وخلَّت دلعها صورةٍ بين المرايا

وين ما لدّيت فيها شفت ضحكات الثمان

وشفت شامه فوق جمره سوَّت بقلبي سوايا

آه يا هالحال منها.. كيف صار.. ووين كان

بس يا ذاك الخفوق اللِّي تلجّ أبك الحنايا

شد حيلك.. لا تخاذل.. ما يطيح إلاَّ الجبان

مالك إلاّ ذكرياتك وأنت من بين الهدايا

حول ذاك الورد أبو عطر يهز الشمعدان

كل ما خلّت وراها غاليٍ ريم الصبايا

حتى والله من غلاها.. رحت وأغليت المكان

صفحة الجزيرة الرئيسية

الصفحة الرئيسية

رأي الجزيرة