يا الوطن... وشلون ابيّن لك غلاك
وانت الأول في عيوني والأخير
والله اني اعشقك واعشق هواك
ولا لك بدنياي وبروحي خشير
ايه احبك والوفاء منبع وفاك
وارضك اللي اعشقه وانا صغير
وكل شي يكبر ويكبر معاك
الولاء والحب في دمي يسير
لك تروح الروح وآدوس الهلاك
ولك اموت ولو يصير اللي يصير
وش تكون وش اكون بلا حماك
وانت كل الحب يا فوح العبير
بآتغزل بأرضك ولا احدٍ سواك
يا غرام القلب يالحب الكبير
يا سوالف عشق دام الله عطاك
الغلا والحب وبقلبي كثير
ايه قلبي صادقٍ والله شراك
دامك انت العشق والخير الوفير
وش اسولف وش اخلي في غلاك
وانت الاول يا وطن وانت الاخير
الشاعر فهيد البقعاوي
