يا بو فهد يا هامة المجد سلمان
يا سور نجد ونور وادي حنيفه
سلمان يا نخوة شيوخ وشجعان
الله يجيرك من صدوف كليفه
راسك وكفينك ملامح كحيلان
عبدالعزيز اللي بذرها بسيفه
حنكة معزي طيرت راس عجلان
ما جاه يطلب عند بابه وظيفه
يا دولة الإيمان والعز نيشان
بناه أبو تركي حياة مريفه
عز أمة الإسلام في كل ميدان
يعيش من فضله نفوس ضعيفه
عزمه يهد جبال ايمان وحصان
خاض المعارك بالسيوف الرهيفه
خد الوطن من حكمته أمن وأمان
شيد لنا الدولة على كيف كيفه
أبوك يا سلمان ما أحيا له انسان
أحيا أمم عاشت حياة كفيفه
عساه بالفردوس أنهار وجنان
زعيم مجد عاش نفسه عفيفه
يا بن الزعيم المعجزة مجدك ألوان
لا غبت ما أشوف الليالي لطيفه
وجه الوطن كله بعد غبت غضبان
وإلا مودك عاف حتى الرغيفه
يدعي عظيم كون الإنس والجان
ترجع لشعب شوف شرواك ريفه
طهور يا سلمان يا عالي الشان
يا اميرنا رمز الوفا والخليفه
غازي عصاي العتيبيمدير بيوت الشباب - جدة
