Thursday  04/11/2010 Issue 13916

الخميس 27 ذو القعدة 1431  العدد  13916

ارسل ملاحظاتك حول موقعنا
   
     

الأخيرة

منوعات

دوليات

الرياضية

الأقتصادية

محليات

الأولى

الرئيسية

 
 
 
 

مدارات شعبية

 

حلّت الفرقا

 

رجوع

 

أنا من حلت الفرقا وانا ما بغى كلام الناس

ولا والله أبي غير الخلا من حلت الفرقا

اسج بسجة أرضٍ قافرة ماداسها دواس

اجر الصوت في روضٍ خضر مع نايح الورقا

اخيل بروق من قبلة يجيني قدمها نسناس

قنيفٍ ناشياً من غرب وحادر متجه شرقا

قنيفٍ مقبلٍ ماكنه إلا راس جبلٍ راس

اشوفه ليل اشوفه شمس اشوفه جمةٍ زرقا

قنيفٍ درسم رعوده مثل طبلٍ مع رواس

يصريغ له طروقٍ تعجب اللي هاوي الطرقا

معه براق خيرٍ يضرب اخماسٍ يعرض اسداس

روى ريضانها عقب الشهاب وشمسها الحرقا

بعث فيني الأمل عقب الألم والروح عقب الياس

كأن الغيث مرسى واحدٍ من حسبة الغرقا

ياعله بعد دار الغرب من لندن إلى تكساس

تخاتخ نجد في عز الربيع تشدني طرقا

أبي أسلى عن العالم وابي ادله عن الجلاس

ابي انسى الهنوف اللي بها شياً فرق فرقا

انا من عقب فرقاها خطير يصيبني وسواس

اذب ارجوم واحول واعود ثانية وارقا

فهد المصارير

 

رجوع

حفظ  

 
 
 
للاتصال بنا الأرشيف جوال الجزيرة الإشتراكات الإعلانات مؤسسة الجزيرة