الجزيرة - الرياض:

كم ثور هور برجله للمحارم يدوش

يمشي الضحى ما يبالي لو طريقه عفاش

لاشك باسباب ماله عنه تغضى الرموش

لو كان مثل راس الظبي ما به عراش

طير من الهام وامه صافره ما يهوش

ما فات له بالمراجل شي ولا بقاش

عبد الله بن دويرج* * *

آمنت باللي عمر هالكون سبحانه

رب تكفل بمحسنها اومسويها

الرزق بيديه وهو ايديه مليانه

الخلق تطلب مطالبها اويعطيها

ارجيه يكسين من فضله بغفرانه

انا ومن سمعها واللي يغنيها

علي ابو ماجد* * *

يالله يا كافل المخلوق رب علا

يا سامك السبع لا يطبق علينا سماه

بهداك ورضاك ترحمنا بدفع البلا

من مدّّ حبل الرجا لا خيب الله رجاه

ماناب اغبط الهبيل اللي بوقته سلا

يتبع هوى النفس والشيطان يتبع هواه

عبد العزيز السليم