الشاعر:عبيد بن فالح أبوجراح أبوثنين

يغار القمر من طلتك كل ما طليت

لانك شبيهن له ولونك مثل لونه

شهرك الجمال اليوسفي ثم جالك صيت

جميع الخلايق فيك يا زين مفتونه

تمنى تشوفك كل ما رحت ولا جيت

ومن قال أنا شفته بشوفك يحسدونه

نطحني بوسط السوق يمشي وله لديت

ولا وا عذابي يوم في لد بعيونه

مليك الجمال اللي تطرون له وافيت

ترى اليوم صادفته وانا اليوم مجنونه

تولعت به واقفى بسرعة وأنا قفيت

وقلب العناء من سبته كثرة شطونه

عليل الفواد وشارد الذهن ما سليت

أنا كيف ابسلى عنه واعيش من دونه

نهاري حزين ولقبل الليل به ونيت

وجاوب حمام الورق لا جر بلحونه

ومن سبته لا نيب حي ولاني ميت

اقوله وقبلي ناس مثلي يقولونه

طلوعك خطر للناس يا زين فيه اخطيت

ويا ليتهم عن طلعت السوق ينهونه

ولا واهني اللي معه ساكن بالبيت

على كل وقت وكل ساعة يشوفونه