سلام الله على أمير الرياض وعد من شافه

يا مير كل خلق الله تمنى تكسب اعجابك

اهنيك السلامة ما تشوف الشر والآفة

يا مير كل شعب المملكة هنا وحيا بك

عسى الله يحفظك من كل شر يمر بأصنافه

تباشرنا بعودتك لحبايبك وفرحنا بك

عساك بخير يا مير الرياض ونجد وأطرافه

عسى عمرك طويل ويرحم الله حاكم جابك

سياسي حكيم ما تضيع حقوق باشرافه

مراكز نجد يا سلمان من طيبك تباهى بك

اميرٍ محترم ترجيه روس القوم وتخافه

لنا حضرة جنابك نور نفخر ونقتدى بك

حكيم من حكيم محنك ما تتلقى اوصافه

يا ابن عبدالعزيز المنطقة ما تصلح إلا بك

بديهٍ عبقري صرح البنا مبداه وأهدافه

توسعت الرياض وطورت كله من أسبابك

كبير العقل حلاّل النشب يعرف بميقافه

امير امير في قصر الحكم مرضي ومرضا بك

اميرٍ شايلٍ هم المواطن شيل بأكتافه

يحس ويستحس ويعرف العابك من الدابك

قوي الباس طاحي راس مرضي ناس بانصافه

يا ضلع العارض المنقاد مزبن من تذرى بك

عزيز عزه الله ما بلد العين لخلافه

مصاحبك الرضا ما خاب مخلوقٍ تسمى بك

يا أخو نورة فداك اللي يسب الدين ويعافه

عدو الله عدو الدين يفداك وفدى أحبابك

عدو الدين له يومٍ يسب الحظ وأصنافه

حماك الله يا محارب عدو الدين وأثابك

كثير الخير للمحتاج من كفيك لأكفافه

يعيشون اليتامى والفقارى اللي تحرى بك

تكفّلت اليتامى والمعاق بنوك وصرّافه

ويمناك الكريمة ما تخيب من وصل بابك