كفاك عثرات الظهر وانزلاقه
و الشعب لك كله ترى اليوم فقرات
غالي و لك مع شعبك أطيب علاقه
و يغليك كثر اللي تظنه بمرات
ما هو غلا لا و الله إلا عشاقه
يذبح ليا شاكك قليل المضرات
يا خادم البيتين جتك بزراقه
سحب المشاعر من جموعٍ غفيرات
جتك بمشاعرها على عظم ساقه
و وده بشوفك مار دونك ممرات
كود الدعاء لله عسى كل عاقه
تلطم عدوك و أنت عمرك مسرات
والختم مبداها و هذا مساقه
الشعب لك كله ترى اليوم فقرات
عبدالله الشلاقي الشمري - حائل
