Friday  03/12/2010 Issue 13945

الجمعة 27 ذو الحجة 1431  العدد  13945

ارسل ملاحظاتك حول موقعنا
   
     

الأخيرة

متابعة

دوليات

الرياضية

الأقتصادية

محليات

الأولى

الرئيسية

 
 
 
 

مدارات شعبية

 

سيدي سلطان يمشي بخير

 

رجوع

 

الليل هذا شعوره غير والشعر غير

والشوق يسري على افكاري وينتابها

زحمة مشاعر فرح ما باقي إلا تطير

وبهّرت دلة قصيدي وين شرابها

أبي اليا جيت تسمع حي من له سفير

واخاف من جيّة مايحسب حسابها

يارب فضلك ومعروفك علينا كبير

بأمرك جميع الامور تهّون اسبابها

سنه وحنا يا با الافراج بك نستجير

ندعيك يارب يافعها وشيابها

دعواتنا تتجه لك كل ثلث ٍأخير

لين السماء السابعه توقف على بابها

الحمد والشكر لك وانت السميع البصير

رديت للدار غاليها وغيّابها

شوفة سمو سيدي سلطان يمشي بخير

فرحه وصوت الشعر واجب تغنابها

والدار غنّا سعدها يوم جاها البشير

يوم إن رحلة سموك حطّت ركابها

يامرحبا وانورت بك نجد سودة عسير

تبوك عرعر خُبَرْهَا مكه شعابها

والشعب كله يا ابو خالد كبير وصغير

تباشروا والعذارى تنقش خضابها

وماهي غريبه تشوف الناس يمك تشير

أسرت كل القلوب وفزت باعجابها

نفحات جودك يسولفها الغني للفقير

وسيرتك بالخير نذكرها ونغتابها

تسرف يمينك عطا وتقول ماهو كثير

وتطول فيها على العليا وترقى بها

ياسيدي وانت مالك بالمحبه خشير

غير ابو متعب عمود الدار وطنابها

أنتم هل المجد والعادات عز القصير

ريف المواطن وعز الدار وكتابها

وهذا الوطن مايهمّه ميتين الضمير

اللي تدور على الفتنه وتسعى بها

شامخ بعزم الرجال ولا التفت للصفير

والحق نور القلوب اللي تجلّى بها

والدار من دونها حد الحسام الشطير

حنا ذراها عن العادين وحجابها

اما حياة يكون الفرد فيها جدير

والا شهادة تعز الدار وترابها

نهار بن ممدوح

 

رجوع

حفظ  

 
 
 
للاتصال بنا الأرشيف جوال الجزيرة الإشتراكات الإعلانات مؤسسة الجزيرة