ياسيدي سلمان يامرحبابك
أعداد من زار الحرم من مصلي
يامزبن المظلوم زان اللقابك
عسى المرض والباس عنك يولي
أسمك على اللوحات يرسم أعجابك
والعاصمة بقدوم شخصك تهلي
ترجي من الله جيتك من غيابك
وتفرش لك البيدا ورود وزلي
وتشوف زوار العرب عند بابك
يسلمون وخاطرك مسفهلي
كل القبايل من بعيد تحظى بك
تلفي طوابيرعلى كل حلي
يبون منك الطيب وأنت الوفابك
وأنت الذي مجلسك الهُم محلي
رباك أخو نورة من أول شبابك
واليوم دون عداه سيف يسلي
قومت شرع الله وكل يهابك
ومن هيبتك ذل العدو المضلي
يانسل حر ماخسر يوم جابك
ياسعد عيني كان شوفك حصل لي
والله ورب البيت ماينسخى بك
ياحر يااللي في سماك متعلي
لك وحشة والشعب غنا هلا بك
والمملكة من نهر حبك تعلي
عسى السلامة ملبسك مع ثيابك
والعافيه لك دوم تاج وظلي
ناصر بن إبراهيم المفرج
