يا سيدي جعلك لنا دوم في خير

بصحة وسلامة من مرضك متعافي

لك في قلوب الشعب حب وتقدير

غلاك عند الشعب ما عاد خافي

ما هو غلا لك عشق بقلوبنا غير

بزود اليا شفناك صحيح متشافي

يا خادم البيتين لك الشور وتشير

يا عزنا يا ذخرنا يا لسنافي

حنا فدالك كل مطلب لك يصير

الروح فدوة لك ويا ليت تافي

بالعدل حزت ونلت حسن المعايير

الكل يشهد ما عليك اختلافي

حكّمت كتاب الله على الهدي وتسير

دستورنا القرآن حوله التفافي

زرعت في شعبك علوم له تنير

علمتهم معنى الأخا والتصافي

عسى بحياتك ما يحصل يوم تغيير

نور السعادة عنك ما يوم طافي

يحميك رب البيت شر المقادير

وشر النفوس الحاقدة والخفافي

ويكفيك شر اللي بهم شر وتغرير

اللي سلك درب له الدين نافي