قصيدة رثاء في وفاة ماجد بن ذعار رحمه الله:

نهار الربوع عصير طارد ورى مطرود

ورى علم أقشر شاط والربع لجّو به

وصلنا الخبر مثل الصواعق عليه شهود

ولا فيه حيله يالله العفو والتوبه

خبر موت ماجد قبْسَت النار بالبارود

بصدري ومنها ثومة القلب معطوبه

يحوشك غثا الأيام هي والليال السود

لو أنك نجوت إبّعض الأحيان بعجوبه

بنات الليالي طبعها لو عطتك ورود

تبدل قناطير الذهب لك بزنوبه

على ماجد بن ذعار واطول حزن العود

وانا العود والله يعطي العود مطلوبه

عسى روح ماجد تنعم بعفو راع الجود

جزيل العطا يغفر خطاياه وذنوبه

ولو أن ماجد عقب موته وراه وسود

وناره بذن رب المخاليق مشبوبه

فلاكنّ ماجد صار من بيننا مفقود

أنا مابه أحد لابسلّي مثل ثوبه

أعزي خفوقي بالصبر في رجا المعبود

والأجال عند مدبّر الكون مكتوبه