ترتفع بيارق النصر ويطيح الحوثي

من جبل دخان دولتنا ويزين صعده

الوطن موروث كل مواطن وموروثي

ولا لنا في غير دولتنا العزيزه قعده

يا ملكنا يا ملكنا يا نبراس الشفافية

يا حكيم العرب يا راهي المده

لا تخلي من الناس الحراميه

من يبيع العهود ويسرق البده

من يخون الوطن في ساعة الفيه

كيف يوفي معه في ساعة الشده

وقصيدة فيها مشاعر وتعبير

فرصة ثمينة سانحة مالها حساب

مضمونها تحذير. تحذير. تحذير

تحذير واضح من مغبات الارهاب

وتنديد واستنكار من دون تاخير

باللي يخون العهد ويبوق الأصحاب

وإن وصلت الدعوى حدود الازارير

وليس الخطر معه هجعة الناس جلباب

دون الوطن تنهاركل المعاذير

وتبنى خيام الموت وتشد الاطناب

نبا نزور الخصم ونسج الأقدام

على البحر والجو وشداد ريمه

الموت حق وراية الحق الاسلام

ونفح الهوا ما ينطحه طنب خيمه

واطلق شنب ما عاش في بحر الاوهام

واقصر شنب يكفيه بسكوت ديمه

جعل راسن ما يميل للمصيح ظله

تضربه شمس النهار وتحرقه رمضاها

وجعل قلبن ما يبرد فالمواقف غله

ايتمنى نبضتن وحده ولا يلقاها

ونعنبو قرشن يحقر صاحبه ويذله

ونعنبو قومن شواربها تهين لحاها

طير التهاني حام فالصدر واقعاء

وقام يتوسع هاجس الشعر ويضيق

نوب انديه واقوله جتك بقعاء

ونوب استلذ بسطوته قمت طويق

حرا مخاليبه على كل صقعاء

لا سبحت دم الشرايين ماحيق

شلته على يمنى من الطيب نفعاء

وفكيت مسباقه على فكت الريق

ازبن على ماكر صواريم بقعاء

وارقد تحت ظل الجبال الشواهيق

نار ولبن ناقه وتمر بصقعاء

ودله وهيل ومدخنة طيب وبريق

اما كرم حاتم وميثاق بقعاء

وإلا بلاش من الكرام والمواثيق

بدر محمد الأسعدي العتيبي - بقعاء

صفحة الجزيرة الرئيسية

الصفحة الرئيسية

رأي الجزيرة