تباشــروا بغـيـابهـا يـاعـواذيل
حبيبتي راحت ولا رحت معها
علمي بها تروي جفاف المناديل
بين الدروب اللي على الله سنعها
ما ودعتني في يمين الخـلاخيل
راحت بكل علومها من جزعها
وداعـهـا في دمعـةٍ كـلهـا ميـل
كفي حضنها يوم قلبي سمعها
واقفت تهزع في حسين التعازيل
لا واهـني ضـلالـها اللي تـبعها
بغـيابها كـن الاوادم تمـاثيــل
عيني تشوف وشوفهاما نفعها
من يوم غابت شمسها ليلها ليل
الغـيبه اللي خـاطري ماوسعها
وليلٍٍ ما هي نوره قليل المحاصيل
جاب الهموم من الشتات وجمعها
لين انجرح صوت العنا بالمواويل
واسترسلت بنت الغياب بفزعها
وامطرتها بين المحاني هماليل
قصـيدةٍ كـلي ولع مـن ولـعهـا
يوم انها لاخبـار خلي مداهـيل
فكري رقى روس الطوال وبدعها
ضيدان المريخي
