يالله يامنشي مزونن ثقيلات
عطفك ولطفك بالنفوس الزكية
سلطان مات وقلت ياناس مامات
ذكراه بقلوب الملايين حيه
كم قدمت يمناه من بذل حسنات
بحر الندا جزل العطا للرعيه
سلطان خير وبالوطن حط خيرات
رجل المكارم والوفا والحميه
للجاه والتوجيه حلاّل قالات
يمناه دايم بالمواقف صخيه
سلطان ابو خالد زعيم المهمات
كم مسحت دمع اليتاما يديه
سلطان له في كل تاريخ بصمات
عطف وكرم واخلاق من طيب نيه
سجل له التاريخ بالمجد صفحات
مواقفه دون الوطن عالميه
سلطان سلطان القلوب الحزينات
عز الضعيف اللي احواله رديه
يوم الثلوث العين هلت بعبرات
اصبر وانا صدمات قلبي قويه
عيني تكض الدمع مره ومرات
وآخذ مع العبرات روحه وجيه
يالله تكتب له من الخلد جنات
رحماك يالمطلوب رب البريه
ياساكن بالعرض سبع السموات
ترضى على نفس الامير الرضيه
الشاعر - عبد المحسن المسمار
