التهور في القيادة له مصايب

التهور ما يجيب إلا المنيه

الإشارة من قطعها عمد خايب

من سببها مات من نفس بريه

الشوارع عندنا صارات حرايب

كم يموت من البشر ماله خطيه

ذاك متوفي وذا خلوه عايب

أمش يا العاقل وعقب لك وصيه

كم من حادث يفرق له حبايب

عند من لا ينضبط راحو ضحية

أحد متهور وأحد للوعي غايب

والنظام مخالف نفسه دنيه

إن قضا من حومته شفت العجايب

سكر الشارع وسولف مع خويه

طول ليله في سهر ضايع وسايب

عادة سيئة ومصدرها أجنبيه

يوم جيت من السهر وش أنت جايب

كل يوم تحوم وتسجل خطيه

إن طلع في البر مات من الهبايب

ولا يبات الليل والديره خليه

ما نعم اللي يسدون النوايب

من درس ولا التحق بالعسكريه

مسند مازن الميزاني