أكبر الجرح لاجا من نذل عادي
بس منَّك صغير الجرح ياكوده
أقرب الناس بعده عندي اعيادي
وانت لا اقبلت كن النفس مولودة
منْك نظرة تبشرني بميلادي
قبل اعرفك سنيني شبه مفقودة
ياقمر كان نورك للملا بادي
غبت وأصبحت بالاحزان موعودة
يابحر وش يعكر موجك الهادي
غير نسمه تطالب منَّك العودة
اقبل الجرح ياوعدي وميعادي
منَّك الجرح ياشحه وياجوده
لو تماديت تبقى الجرح وضمادي
لو تناسيت ذكرى الشوق موجودة
جرح الانذال لو- كله ألم- عادي
وانت منَّك صغير الجرح ياكوده
مها الشمري
