به شخص ينشدني من اي القبايل
قلت اي نعم حاضر وابثبت وجودي
من لابة تعرف لهم شبر طايل
ولهم بصعبات المواقف صمودي
اسمع جوابي في بيوت قلايل
الاصل حربي والبطاقه سعودي
وليه علاقة مع رجال الحمايل
وبالشعر عشاق المعاني شهودي
من خيرة الشعار ناخذ دلايل
والشعر منهج به نزول وصعودي
ولا افتح سموعي للقصيد الهزايل
ماني علي القول الذميم محدودي
وانهل من الصافي واخلي الحثايل
للي على الشعر المذبذب ورودي
قريحتي نظم البيوت الجزايل
ارضي بها الصاحب وتزعل حسودي
ولا اقول قاصر في فعول القبايل
اخاف من رب العباد معبودي
بدر الحويفي
