يا مشقي القلب والله ما تناسيتك
لا والذي جمع قلوبٍ وفرقها
انك على البال واشهق كل ما اطريتك
كني غريبٍ وله غاية وحققها
انا غريبة مشاعر لين لاقيتك
يا غيث روحي قبل ما اشوف بارقها
حتى قبل ما اعرف الاحساس حبيتك
يا شمس روحي ومغربها ومشرقها
انت بشعوري ولا قد قلت يا ليتك
انا جزيرة غلا بحرك مطوقها
عيني مراسي غلاك وخافقي بيتك
ارواح تسكن بعض والبعد حارقها
وحيث انك الروح ما مرة تمنيتك
الا لقيتك بعذب الحب تغرقها
عالية نجد
