ارسل ملاحظاتك حول موقعنا Wednesday 15/08/2012 Issue 14566 14566 الاربعاء 27 رمضان 1433 العدد 

الأخيرة

منوعات

دوليات

الرياضية

الأقتصادية

محليات

الأولى

الرئيسية

 
 
 
 

مدارات شعبية

 

لوحة

 

 

 

 

 

 

 

 

رجوع

 

تعبت من القصيد.. من الجروح.. من انتظار طال

تعبت استقبل طعون الزمن.. واربت على كتفه

تعبت من الكلام.. من السكوت اللي يهد ّالحال

تعبت أكثر من الحزن الذي.. ما ينتهي عزفه

تعبت من الوعود.. من الصديق الطيّب المحتال

تعبت أعرف كل اللي.. تعرف الناس بالصدفه

تعبت من العدو اللي عجز.. يدخل معي بقتال

تعبت من الظلام اللي قتلت.. ولا لقى حتفه

تعبت أسأل من المخطي..؟! تعبت اردّد الموّال

ما دامك ما سقيت الزرع.. ما لك حق في قطفه

تعبت ألقى الجواب المقنع اللي ماعليه جدال

تعبت القى.. طريقٍ ما يكون بآخره شتفه

تعبت اضفي على الصوت الحبيبه وردتين وشال

تعبت اسمع صدى شامت يردّد طاحت الغدفه

تعبت أغازل البسمه على ثغر البكا.. تختال

تعبت أشوف شوفي ينهزم.. رغمٍ على انفه

تعبت اجامل ايامي.. ولو ورّتني.. الأهوال

تعبت أقول عن حملٍ ثقيل.. اتفه من الأتفه

تعبت أهزّ راسي غيظ! والقى في يديّ اغلال

تعبت أسير خلف الوهم.. لو غيري ركض خلفه

تعبت أشد وانزل.. ما ظهر لي طيّب المنزال

تعبت من الدروب اللي مشيت.. وكلّها صلفه

تعبت أرسم حروفي شمس.. والمح بالوجيه ظلال

بعض ناسٍ.. تعرف النور.. بس تقول ما تعرفه

تعبت وقلت كل اللي اظنّه « يا فهد « ينقال

تعبت ابغى القط انفاسي.. اذ لابد من وقفه

مساعد الرشيدي

 

رجوع

حفظارسل هذا الخبر لصديقك 

 
 
 
للاتصال بناخدمات الجزيرةالأرشيفجوال الجزيرةالسوق المفتوحالإشتراكاتالإعلاناتمؤسسة الجزيرة