بعدك عن اللي ما يعزك معزة
وصدك عن اللي يعتني بك ردى منك
اللي يعزك لازم انك تعزه
وتعلن معه طول الليالي تضامنك
لاصار في لازمك عجلٍ مفزه
اكبر خطية في لزومه تهاونك
والصاحب اللي صحبته بس رزة
مثل العدو اللي قبل ساكت عنك
لاتجرح شعوره ولا تستفزه
ترى الكلام الشين دائم يشينك
واهل النفوس اللي قبل مشمئزة
ابعد ظعنهم لايقرب ضعاينك
وللهرج حزات وللصمت حزة
ومن لايعرفك معرفة مايثمنك
وان كان عينك كل درب تقزه
اعرف ترى غيرك عيونه تعاينك
