يا سعد عينك بالطرب يالحمامة

ياللي على خضر الجرايد تغنين

عزيل حالك وان درى بك سلامة

خلاك مثلي يالحمامة تونين

كسّر عظامي كسّر الله عظامه

شوفي مضارب شوحطه بالحجاجين

جاني يقول مروحينه عمامه

الله يخرب ديرةٍ لا صفر العين

مويضي البرازية

يا عين هلي صافي الدمع هليه

والى قضى صافيه هاتي سريبه

ياعين شوفي زرع خلك وراعيه

هذي معاويده وهذي قليبه

ان مرني بالدرب ما اقدر احاكيه

مصيبةٍ يا وايّ والله مصيبة

اللي يبينا عيت النفس تبغيه

واللي نبي عيا البخت لا يجيبه

نورة الحوشان

يامل عين حاربت سوجة الميل

على عشير بالحشا شب ضوه

على عشير طبخته نصفها هيل

اللي سعى بالطيب من غير قوة

المال ما طيب عفون الرجاجيل

والقل ما يقصر براع المروة

اجواد عقب اجواد جيل بعد جيل

والطيب فيهم من قديم وتوه

هيا بنت عياد

انا من يعاوني على حب راع الطيب

أحب الشلي لو كان والله ما يبغين

احب الشلي لو كان نصف العوارض شيب

ولا اريد ولد اللاش حتيش لو به زين

وضحى بنت عبدالله الدوسري