الصدر.. طيره فزّ.. وإن قاد لك قود
ياغلطةٍ ماتقبل العذر والدمح!!
أنا أعتبرني شاعر ٍ معكْ.. مولود
أشطب ورتّب وأكتب اللي تبي.. وأمح!!
جذبتني وأسرفت بعيونك.. السود
مايجذب العصفور.. في سنبلة قمح!!
آذوب وافقد وعي.. وآغيب.. وآعود
لا لدّت رموشك.. وهي تسرقْ اللمح!!
يالصبح ؟ صحّى في بساتينك ورود
والاّ القمر مغدق سنى وجهك السمح!!
ياغصنك من الراك.. وأنفاسك العود
ياجيدك من الجوع.. كنه عصا رمح!!
من ضحكتك.. تاخذ نسانيسها النود
وبنت الكحيله لا ابتدى تيمها الجمح!!
اللي يهوّن ظُلمة ايامي السود
روح ابتسامه!! من ثَغَرْ وجهك السمح!!
- عبدالله بن مرهب
