أحد أجمل وأرق وأعذب من يبدعون النص البهي في الشعر الشعبي.. وحضور مختلف كعادته في ألقه المميز:

نسيت أحس وتبّلد شعوري.. خابت ظنوني

وبديت أشك هو إني على نفسي صدق غالي؟

أنا.. ما ادري ورى أيامي وأحلامي تعدوني!

وأنا أمشي على النيّه ويخالف نيّتي فالي

كثر ما شفت أنا وجهي.. ولا ملتّني عيوني

كثر ما مرّت الدمعة قبل عيني على بالي

حبيب العمر وأنت العمر وكانك عشت من دوني

أحب جروحك بصدري.. كثر ما هم يحبوني

وكثر ما أعطيت لك حالي.. ولارديت لي حالي

تعال.. وقوم بالواجب مثل ما هم يعزوني

تعال.. وعزني فيني..!! ما دام إن موتي أشوالي..

أنا.. معتاد هالعزلة بعد ما الناس جافوني

وغديت بوحدتي كنِّي.. جميع الناس بلحالي

الشاعر/ محمد الغرير