وين إنت يا وجهٍ وقفت أتحرّاك

بين الوجيه الراحله والمقيمه

كن الليالي واعدتني بلقياك

بين البشر وإلاَّ على متن غيمه

الشاعر/ مشعل الفوازي

تجاملني وأحسب إنك صدوقي

وأعيش بوهم وإنت اللِّي خلقته

تسايرني تبي تسرق خفوقي

بحجة حب إلين إنك سرقته

الشاعر/ عبدالعزيز السناني

دمعةٍ بين الجروح القديمة والجداد

ليتها ماتت بعيني ولا ذلَّت يدي

بعد ما هي جمرةٍ خلَّت اضلوعي رماد

أشعلتها سود الأيام في كل اجسدي

الشاعر/ عبدالرحمن القريني

يا ماخذٍ قلبي معك في يدينك

ماأحدٍ خذا قلبي من العالم إلاَّ إنت

الله يرضى لي على والدينك

قل لي وش اللِّي بس يرضيك لاهنت

الشاعر/ رشيد الدهام