سلمان يا سور البلاد وربيعه
ياملتقى طـهر المبادي والانساب
حنا نطيعك قبل نعطيك بيعه
وشلون ولك اليوم بيعه فالارقاب
عهـدٍ على هدي النبي والشريعه
بيعة جدود لمن تشكل بالاصلاب
قرنين والثالث بدا فالطليعه
راسخ ولانا ماتحول ولا ارتاب
نفوسنا ياسيدي لك مطيعه
تجزع لجزعاتك وتالم وتنصاب
وقدر المصاب وكبر حجم الفجيعه
أنته عوضنا يامعزي بمن غاب
تبقى لنا حصن ٍ ركونه منيعه
نلوذ به لاعظنا للدهر ناب
ولاصك باب السلم وأنسد ريـعه
في خدمتك جندك على كل حراب
حنا نطيعك قبل نعطيك بيعه
وشلون ولك اليوم بيعه فالارقاب
الشيخ الشاعر- بدر بن ماجد بن عمر بن ربيعان
